نیپال میں جنوری میں ہونے والے مسافر طیارہ حادثے کی تحقیقاتی رپورٹ سامنے آگئی ہے۔
غیر ملکی خبر رساں ایجنسی کے مطابق نیپالی ائیرلائن کا مسافر طیارہ پائلٹوں کی غلطی کی وجہ سے تباہ ہوا ، پائلٹوں نے غلطی سے طیارے کی بجلی منقطع کرنے والا لیور دبا دیا تھا۔
تحقیقاتی پینل کا کہنا ہے کہ معلومات نہ ہونا اور ایس او پیز پر عملدر آمد کی کمی حادثے کی وجہ بنی۔
واضح رہے کہ نیپالی ائیرلائن کا اے ٹی آر مسافر طیار 15 جنوری کو نیپال کے شہر پوکھرا میں ائیرپورٹ کے نزدیک گر کرتباہ ہوا تھا۔
حادثے میں عملے اور غیر ملکیوں سمیت تمام 72 افراد ہلاک ہو گئے تھے۔
