ملک میں سونے کی فی تولہ قیمت میں مزید اضافہ ہوگیا۔
آل پاکستان جیمز اینڈ جیولرز ایسوسی ایشن کےمطابق سونے کی فی تولہ قیمت 4 ہزار 600 روپے اضافے کے بعد 2 لاکھ 34 ہزار 500 روپے ہوگئی۔
10 گرام سونے کا بھاؤ 3944 روپے اضافے سے 2 لاکھ ایک ہزار 46 روپے ہے۔
آل پاکستان جیمز اینڈ جیولرز ایسوسی ایشن کےمطابق عالمی صرافہ بازار میں سونے کی قدر 10 ڈالرز اضافے سے 1901 ڈالرز فی اونس ہے۔
گزشتہ روز بھی سونے کی فی تولہ قیمت میں 3100 روپے کا اضافہ ہوا تھا۔
