پاکستان نے ڈیرہ اسماعیل خان حملے کے تناظر میں افغان عبوری حکومت سے شدید احتجاج ریکارڈ کرا دیا۔
ترجمان دفتر خارجہ کے مطابق سیکریٹری خارجہ نے افغان ناظم الامور کو احتجاجی مراسلہ حوالے کیا ہے جس میں کالعدم ٹی ٹی پی سے منسلک گروپ کی جانب سے حملے کی ذمہ داری قبول کرنے کا معاملہ اٹھایا گیا۔
ترجمان کے مطابق افغان عبوری حکومت سے واقعے کے ذمہ داروں اور سہولت کاروں کیخلاف سخت ایکشن لینےپر زور دیا ہے۔
جبکہ افغان حکومت سے کالعدم ٹی ٹی پی کی افغانستان میں موجود قیادت اور دہشتگردوں کی حوالگی کا مطالبہ بھی کیا گیا ہے ۔
