اسلام آباد: پاکستان ٹیلی کمیونیکیشن اتھارٹی (پی ٹی اے) نے عوام کو دھوکہ دہی پر مبنی لنکس سے متعلق خبردار کر دیا۔
پی ٹی اے نے عوام کو خبردار کیا کہ سوشل میڈیا اور واٹس ایپ کے ذریعے فشنگ لنکس بھیجے جا رہے ہیں۔ جس سے لوگوں کو نقصان پہنچ سکتا ہے۔
عوام کو خبردار کیا گیا کہ فشنگ لنکس دھوکہ دینے کے لیے بنائے گئے ہیں اس لیے ان لنکس سے دور رہا جائے۔
پی ٹی اے حکام کی جانب سے عوام کو ہوشیار رہنے کی ہدایت کی گئی ہے کہ وہ ان جعلی لنکس پر کلک کرنے سے گریز کریں۔
واضح رہے کہ موبائل رجسٹریشن اور سمز کی تعداد جاننے کے حوالے سے جعلی لنکس بھیجے جانے کا انکشاف ہوا ہے۔
