کوئٹہ میں وزیر اعلیٰ بلوچستان سرفراز بگٹی نے میڈیا سے گفتگو کرتے ہوئے کہا کہ آپریشن عزم استحکام کی سب سے زیادہ ضرورت بلوچستان میں ہے، بلوچستان میں امن و امان کا بڑا مسئلہ ہے، پہاڑوں پر گئے عام بلوچوں کو دعوت دیتا ہوں، وہ، آئیں، انہیں گلے لگائیں گے، ریاست کی رٹ چیلنج کرنے والوں کے خلاف سخت ایکشن ہو گا، ناراض بلوچوں سے بات چیت پر کمیٹی نبانے کیلئے مشاورت کر رہا ہوں، ذاتی طور پر اس بات پر کنفیوز ہوں کہ کس سے بات کریں۔ جو لوگ شناختی کارڈ دیکھ کر قتل و غارت کر رہے ہیں، ان سے کس طرح بات کروں، بلوچستان میں ریاست کی رٹ مستحکم کرنا پڑے گی۔شعباز سے اغواء مغویوں کی بازیابی کیلئے اقدامات کررہے ہیں۔
