پاکستان میں پولیو وائرس کے مزید 2 کیسز سامنے آگئے۔
ٹانک اور کشمور سے ایک ایک پولیو کیس سامنے آیا ہے جس کی تصدیق قومی ادارہ صحت کی جانب سے کی گئی ہے۔
نئے کیسز رپورٹ ہونے کے بعد رواں سال ملک بھر میں پولیو کیسز کی مجموعی تعداد 67 تک پہنچ گئی ہے۔
رپورٹ کے مطابق رواں سال ٹانک سے پولیو کا چوتھا اور کشمور سے دوسرا کیس سامنے آیا ہے۔
رواں سال بلوچستان سے27 ، خیبرپختونخوا سے 19 اور سندھ سے19 کیسز سامنے آچکے ہیں جبکہ پنجاب اور اسلام آباد سے ایک ایک پولیو کیس سامنے آیا ہے۔
