کوئٹہ: کچرے کے ڈھیر میں دھماکے سے 3 بچوں سمیت 8 افراد زخمی ہوگئے۔
ایس ایس پی آپریشنز کے مطابق دھماکا کوئٹہ کے زرغون روڈ پر پل کے نیچے کچرے کے ڈھیر میں ہوا، واقعے کی اطلاع ملتے ہی ریسکیو ٹیموں نے موقع پر پہنچ کر زخمیوں کو فوری طبی امداد کیلئے اسپتال منتقل کیا۔
کوئٹہ میں پولیس گاڑی کے قریب دھماکا، اہلکاروں سمیت 4 افراد جاں بحق
ایس ایس پی آپریشنز کے مطابق دھماکے سے زخمی ہونے والے بچے کچرا چن رہے تھے جب کہ دھماکے سے پل کے قریب موجود ایک ٹریفک پولیس اہلکاربھی زخمی ہوا، مجموعی طور پر دھماکے میں 8 افراد زخمی ہوئے ہیں۔
پولیس کا کہنا ہےکہ دھماکا بظاہر دیسی ساختہ بم کا معلوم ہوتا ہے اس حوالے سے تحقیقات جاری ہیں۔
