گرمیوں کے موسم سے قبل ملک میں سولر پینلز کی مانگ میں اضافے کی وجہ سے قیمتوں میں نمایاں اضافہ ہوا ہے۔
سولر پینلز کی قیمتوں میں 75,000 سے 300,000 روپے تک اضافہ ہوا ہے، 7 کلو واٹ سسٹم جس کی قیمت پہلے 850,000روپے تھی اب 920,000 سے تجاوز کر گئی ہے۔
اسی طرح 10 کلو واٹ کے سولر پینل سسٹم کی قیمت 11 لاکھ روپے سے بڑھ کر 12.5 لاکھ روپے ہو گئی،مزید برآں 12 کلو واٹ سسٹم کی قیمت 14 لاکھ سے بڑھ کر 16 لاکھ روپے ہو گئی ہے ۔15 کلو واٹ سسٹم کی قیمت میں 3 لاکھ روپے کا اضافہ ہوا نئی قیمت 18 لاکھ ہو گئی ہے۔
قیمتوں میں اضافہ بنیادی طور پر گرڈ سے منسلک سولر پینل سسٹمز کو متاثر کرتا ہے، جس میں ہائبرڈ سیٹ اپ کے اضافی اخراجات ہوتے ہیں جن میں توانائی ذخیرہ کرنے کے لیے بیٹریاں شامل ہوتی ہیں۔
سولر پینلز کی بڑھتی ہوئی قیمتیں صارفین پر مالی دباؤ ڈال رہی ہیں، خاص طور پر وہ لوگ جو وفاقی حکومت کے نیٹ میٹرنگ پروجیکٹ میں شامل ہیں۔
