چیف الیکشن کمشنر سکندر سلطان راجہ کی سربراہی میں الیکشن کمیشن کا وفد الیکٹرونک ووٹنگ مشین کا جائزہ لینے کیلئے برازیل پہنچ گیا۔
چیف الیکشن کمشنر سکندر سلطان راجہ وفد کے ہمراہ برازیل گئے ہیں جس میں صوبائی الیکشن کمشنر پنجاب اعجاز چوہان، ڈی جی آئی ٹی خضر عزیز اور ندیم زبیر شامل ہیں۔
الیکشن کمیشن کا وفد برازیل میں الیکٹرونک ووٹنگ مشین کے استعمال کا جائزہ لے گا۔
برازیل اور بھارت وہ ممالک ہیں جہاں ای وی ایم کا استعمال طویل عرصے سے کیا جا رہا ہے۔
2023 میں چیف الیکشن کمشنر کی سربراہی میں الیکشن کمیشن کی ٹیم کے دورے برازیل کے دورے کی منظوری دی گئی تھی تاہم الیکشن کمیشن کی مصروفیات کے باعث دو مرتبہ دورہ برازیل ملتوی ہوا تھا۔
الیکشن ایکٹ کے مطابق الیکشن کمیشن کو الیکٹرونک ووٹنگ مشین کا پائلٹ پراجیکٹ کرنا ہے۔
