آرمی چیف جنرل سیّد عاصم منیر سے ترکیہ کی بری افواج کے کمانڈر جنرل سیلکوک بیرکتار اوغلو نے ملاقات کی ہے۔
پاک فوج کے شعبہ تعلقات عامہ (آئی ایس پی آر) کے مطابق ملاقات میں باہمی دلچسپی اور دوطرفہ تعاون کو مزید بڑھانے کے امور پر تبادلہ خیال کیا گیا۔
آئی ایس پی آر نے بتایا کہ آرمی چیف اور ترکیہ کی بری افواج کے کمانڈر نے دونوں ممالک کے درمیان تاریخی، ثقافتی اور مذہبی تعلق پر مبنی گہرے تعلقات پر اطمینان کا اظہار کیا۔
اس موقع پر آرمی چیف جنرل عاصم منیر نے دونوں مسلح افواج کے درمیان فوجی تعاون کو مزید مضبوط بنانے کی ضرورت پر زور دیا۔
