اسلام آباد میں جوڈیشل کمپلیکس کے سامنے فائرنگ کے نتیجے 2 افراد جان کو قتل کردیا گیا۔
ترجمان اسلام آباد پولیس نے بتایا کہ جی 11 سروس روڈ پر دیرینہ دشمنی پر فائرنگ کا واقعہ پیش آیا، فائرنگ سے ایک شخص جاں بحق اور دوسرا زخمی ہوگیا۔بعد ازاں زخمی ہونے والا شخص زخموں کی تاب نہ لاتے ہوئے انتقال کرگیا۔
ترجمان نے بتایا کہ واقعے کے فوری بعد پولیس کے اعلی افسران موقع پر پہنچ گئے اور میت کو ہسپتال منتقل کردیا، انسپکٹر جنرل(آئی جی) اسلام آباد نے واقعے کا نوٹس لیتے ہوئے فائرنگ کرنے والے ملزم کو فوری گرفتار کرنے کا حکم دے دیا۔
ترجمان پولیس کے مطابق پولیس ٹیمیں جائے وقوعہ کا محاصرہ کرکے موقع سے شواہد اکٹھے کررہی ہیں، جلد ملزم کو گرفتار کرکے قانون کے کٹہرے میں لیا جائے گا۔ جاں بحق ہونے والوں میں سید تفسیر حیدر اور نذیر نامی شہری شامل ہیں۔
