اسلام آباد: آئل اینڈ گیس ریگولیٹری اتھارٹی (اوگرا) نے جولائی کے لیے ایل این جی کی قیمت میں کمی کردی۔
اوگرا کے ایل این جی کی قیمت میں کمی کا نوٹیفکیشن جاری کردیا جس کے مطابق قیمت میں 2.68 فیصد تک کمی کی گئی ہے۔
نوٹیفکیشن کے مطابق سوئی ناردرن سسٹم کے لیے ایل این جی کی قیمت میں 0.21 ڈالر فی ایم ایم بی ٹی یو کمی کی گئی ہے جس کے بعد سوئی ناردرن سسٹم پر ایل این جی کی نئی قیمت 11.57 ڈالر فی ایم ایم بی ٹی یو مقرر کی گئی ہے۔
دوسری جانب سوئی سدرن کے لیے ایل این جی کی قیمت میں 0.29 ڈالر فی ایم ایم بی ٹی یو کمی کی گئی ہے جس کے بعد نئی قیمت 10.57 ڈالر فی ایم ایم بی ٹی یو ہوگئی ہے۔
