ایران نے امریکا کے ساتھ جوہری معاہدے پر بات چیت کا عندیہ دے دیا۔
غیر ملکی خبر رساں ادارے کی رپورٹ کے مطابق ایرانی وزیر خارجہ عباس عراقچی کا کہنا ہے کہ امریکا کے ساتھ بالواسطہ جوہری مذاکرات کے لیے تیار ہیں، اس کے لیے راستہ کھلا ہے۔
انہوں نے واضح کیا کہ امریکا کا جب تک ایران کے حوالے سے رویہ تبدیل نہیں ہوتا براہ راست بات چیت کا کوئی امکان نہیں۔
ان کا کہنا تھا کہ ٹرمپ جب تک ایران پر دباو ڈالتے رہیں گے، براہ راست مذاکرات ممکن نہیں۔
