پاکستان اور ترک انٹیلی جینس ایجنسیوں کی مشترکہ کارروائی میں عالمی دہشت گرد تنظیم داعش کے اہم کمانڈر کو گرفتار کرلیا گیا۔
ترک میڈیا کے مطابق آئی ایس آئی اور ترک ایجنسی نے پاک افغان سرحدی علاقے میں مشترکہ کارروائی کی۔
رپورٹس کے مطابق کارروائی میں داعش کمانڈراوزغر آلتن کو گرفتار کیا گیا، اس کا کوڈ نام ابو یاسر الترکی تھا اور یہ عالمی دہشت گرد تنظیم کے اہم رکن سمجھے جاتے ہیں۔
ترک میڈیا رپورٹس کے مطابق گرفتار داعش کمانڈر پر ترکیہ اور یورپ میں کنسرٹ اور عوامی مقامات کو نشانہ بنانے کی منصوبہ بندی کا الزام ہے۔
رپورٹس میں کہا گیا ہے کہ داعش کمانڈر کو مزید تحقیقات کیلئے ترکیہ منتقل کردیا گیا۔
