وفاقی وزارتوں اور محکموں میں ای آفس کے دوسرے مرحلے کا آغاز ہو گیا ہے اور وزارت آئی ٹی نے تمام ماتحت اداروں سے تین روز میں ای آفس نفاذ کی رپورٹ طلب کر لی ہے۔
کابینہ ڈویژن نے ہدایت جاری کی ہے کہ تمام وفاقی وزارتیں، محکمے اور ریگولیٹری اتھارٹیز ای آفس کو سو فیصد نافذ کریں۔
سرکاری اداروں کو تین دن میں دستخط شدہ تصدیقی سرٹیفکیٹ جمع کرانے کی ہدایت دی گئی ہے۔
کابینہ ڈویژن کے مراسلے کے مطابق وزارت آئی ٹی یہ رپورٹ وزیراعظم آفس کو ارسال کرے گی۔
ای آفس بہترین انداز میں نافذ کرنے والے تین اداروں کا انتخاب 14 اگست کو کیا جائے گا۔
کابینہ ڈویژن کا کہنا ہے کہ ای آفس کے نفاذ سے دفتری شفافیت اور کارکردگی میں نمایاں بہتری آئے گی۔
وزارت آئی ٹی سائبر سیکیورٹی یقینی بنانے کی بھی پابند ہو گی۔
