امریکا میں بارش اور شدید برفباری کے باعث نظام زندگی معطل ہوکر رہ گیا ہے ۔راستوں کی بندش سے شہریوں کو مشکلات کا سامنا ہے ، امدادی ٹیمیں بھی پوری طرح متحرک ہیں۔
خبرایجنسی کے مطابق ملک بھر میں 14 ہزار 400 سے زائد پروازیں منسوخ یا تاخیر کا شکارہیں ، ریاست نیو جرسی ، نیویارک ، امریکی شہر شکاگو اور بوسٹن میں تیز برفباری کا سلسلہ جاری ہے ۔
نیو یارک اور نیو جرسی میں شدید برفباری کے باعث ایمرجنسی نافذ کردی گئی ، ریاست کیلیفورنیا میں سیلاب کے باعث ٹریفک متاثر، سیکڑوں افراد بے گھر ہوگئے۔
ریاست بھر میں 50 ہزار افراد بجلی سے محروم ہیں ، لاس اینجلس کاؤنٹی میں کئی کئی فٹ پانی جمع ہے ، سیلابی ریلوں کے باعث ٹریفک کا نظام معطل ہے۔
