انسداد بدعنوانی عدالت نے نسلہ ٹاور سے متعلق کیس کا فیصلہ سناتے ہوئے سابق ڈی جی ایس بی سی اے منظور کاکا سمیت 27 ملزمان کو بری کردیا۔
بری ہونے والوں میں سابق ڈائریکٹر علی مہدی کاظمی، سابق ڈائریکٹر علی غفران، سابق ڈپٹی ڈائریکٹر سمیع صدیقی اور علی ظفرجعفری سمیت دیگر ملزمان شامل ہیں۔
عدالت نے کہا کہ پراسیکیوشن ملزمان کے خلاف الزامات ثابت کرنے میں ناکام رہا ،ملزمان پر نسلہ ٹاور کو غیر قانونی اضافی زمین الاٹ کرنے کا الزام تھا۔
یاد رہے سپریم کورٹ کے حکم پر فروری 2022 میں شارع فیصل پرتعمیر شدہ نسلہ ٹاور کو غیر قانونی قرار دے کر منہدم کردیا گیا تھا۔
