سیلاب متاثرین کو کہیں نہ کہیں منتقل کرکے انہیں گھر بناکردینے ہونگے: مریم اورنگزیب

لاہور: پنجاب کی سینئر وزیرپنجاب مریم اورنگزیب نے کہا ہےکہ سیلاب متاثرین کو کہیں نہ کہیں منتقل کرکے انہیں گھر بناکردینے ہوں گے۔

جیونیوز سے گفتگو کرتے ہوئے مریم اورنگزیب نے کہا کہ ڈیمز بننے چاہئیں کیوں کہ ڈیمز سے پانی کی اسٹوریج ہوتی ہےمگر جب بھی ایسی صورتحال پیدا ہوتی ہےہم ڈیم کی بات شروع کردیتےہیں۔

انہوں نے کہا کہ یہ سب فلڈ مینجمنٹ کے زمرے میں آتا ہے ، جس دوران  متاثرین کی بحالی کا ایک بھرپور عمل ہوگا، متاثرین کو کہیں نہ کہیں منتقل کرکے انہیں گھر بناکردینے ہوں گے، کوشش ہوگی متاثرین کو ایسی جگہ شفٹ کریں جہاں سیلاب کا خطرہ نہ ہو۔

سینئر وزیرکا کہنا تھا کہ جنگلات کی حفاظت کے لیے پروگرام ترتیب دیا گیا ہے، ٹیکنالوجی کےذریعے لکڑی کی کٹائی روکنے پر کام کررہے ہیں جس کے تحت   واضح کیا جائے گا کہ کون سے پانی کےقدرتی راستے ہیں۔