اسلام آباد میں ایک گھر سے 3 افراد کی لاشیں برآمد ہوئی ہیں۔
پولیس ذرائع کے مطابق یہ واقعہ تھانہ آئی نائن کے علاقے رمشا کالونی میں پیش آیا جہاں ایک گھر سے 3 افراد کی لاشیں ملی ہیں۔
پولیس نے بتایا کہ گھر سے ملنے والی لاشیں باپ، بیٹا اوربیٹی کی ہیں جن کی موت کی وجہ معلوم نہیں ہوسکی۔
پولیس نے مزید بتایا کہ تینوں افراد کی لاشوں کو تحویل میں لے کر پوسٹ مارٹم کیلئے اسپتال منتقل کردیا گیا ہے، جس کے بعد ہی معلوم ہوسکے گا کہ اموات زہرخورانی سے ہوئی یا کوئی اور وجہ ہے۔
