سیالکوٹ موٹرز کیس کے متاثرین میں18کروڑ روپے سے زائد رقم تقسیم کردی گئی۔
چیئرمین نیب لیفٹیننٹ جنرل ریٹائرڈ نذیر احمد نے نیب آفس لاہور کا دورہ کیا،جہاں انہوں نے سیالکوٹ موٹرز کیس کے متاثرین میں چیکس تقسیم کرنے کی تقریب میں شرکت کی ۔
چیئرمین نیب نے سیالکوٹ موٹرز کیس کے متاثرین میں18کروڑ روپے سے زائد رقم تقسیم کی،نیب حکام کے مطابق
مجموعی برآمد شدہ رقم کا 50 فیصد حصہ متاثرین میں تقسیم کر دیا گیا،بقیہ 50 فیصد رقم قانونی تقاضے مکمل ہونے کے بعد تقسیم کی جائے گی۔
چیئرمین نیب نے متاثرین کو جلد ریلیف فراہم کرنے اور بقیہ رقوم کی برآمدگی تیز کرنے کی ہدایت کی ، انہوں نے کہا کہ لوٹی گئی رقم کی واپسی نیب کے مؤثر احتسابی نظام کی عکاسی ہے۔
متاثرین تک بروقت انصاف کی فراہمی اور بقیہ رقوم کی شفاف واپسی کیلئے پرعزم ہیں۔
