2 سال تک اسپیس ایکس میں کام کرنے والا 16 سالہ بچہ مزید بہتر ملازمت حاصل کرنے میں کامیاب

اسی سال کائران قاضی نے لنکڈ ان پر شدید تنقید کی تھی کیونکہ اس پلیٹ فارم نے 16 سال سے کم عمر ہونے پر اس کا اکاؤنٹ لاک کر دیا تھا۔

جب کائران قاضی کو دوبارہ اس پلیٹ فارم پر آنے کا موقع ملا تو اس نے ایک کمنٹ میں روایتی اسکول سسٹم پر تنقید کی۔

اس کا کہنا تھا کہ امتحانات کو کسی فرد کی مہارت جانچنے کے لیے استعمال نہیں کیا جانا چاہیے بلکہ صلاحیت کو آزمانا چاہیے۔

اس کا کہنا تھا کہ عمر، مراعات اور لاشعوری تعصبات سے مواقع محدود ہو جاتے ہیں۔

اسپیس ایکس میں 2 سال کام کرنے کے بعد اب کائران قاضی مختلف شعبے میں قدم رکھ رہا ہے اور اے آئی کمپنیوں کی پیشکشوں کو ٹھکرا کر نیویارک کی مالیاتی کمپنی کا حصہ بن رہا ہے۔

کائران قاضی کے مطابق کوانٹ فنانس کی پیشکش پیچیدگی اور ذہانت کے چیلنجز کا دلچسپ امتزاج ہے جس میں اے آئی تحقیق بھی کی جاسکتی ہے اور وہ بھی زیادہ تیز رفتاری سے۔

کائران کی والدہ بھی وال اسٹریٹ میں انویسٹمنٹ بینکر کے طور پر کام کرتی ہیں جس سے بھی اسے مالیاتی امور کو جاننے کا موقع ملا۔

اسپیس ایکس میں ملازمت کے دوران کائران قاضی کو ان کی والدہ گاڑی میں دفتر چھوڑتی تھیں مگر اب نیویارک میں وہ خود اپنے دفتر جایا کرے گا۔

اسے ویڈیو گیمز کھیلنا پسند ہے جبکہ فارغ وقت میں مطالعہ بھی کرتا ہے۔

کچھ عرصے پہلے ایک انٹرویو میں اس نے بتایا تھا کہ ‘ایسا کچھ بھی نہیں جس کو دیکھ کر ایسا لگے کہ وہ کچھ مختلف ہے، مگر میں زندگی سے لطف اندوز ہو رہا ہوں اور میں نے متعدد قریبی دوست بنائے ہیں’۔