دوران سماعت حارث رؤف نے سوال کر کے میچ ریفری کو ہی خاموش کرا دیا

دوسری جانب میچ ریفری نے حارث رؤف سے پوچھا کہ آپ کے 6 صفر کے اشارے کا کیا مطلب تھا پر جس حارث رؤف نے پوچھا کہ میرے اشارے سے آپ لوگوں نے کیا مطلب لیا؟

ذرائع کے مطابق حارث رؤف نے دوران سماعت کہا مجھے بتایا جائے کہ آپ لوگوں کے خیال میں اس کا کیا مطلب ہے، الزامات کے حق میں کوئی ثبوت نہیں ہے، حارث رؤف کے سوال پر ریفری رچی رچرڈسن خاموش ہوگئے۔

ذرائع کا بتانا ہے میچ ریفری نےحارث رؤف سے کہا آپ کا اشارہ شاید کسی اور چیز کی طرف تھا، جس پر حارث رؤف نے کہا آپ بتائیں میں کس چیز کی طرف اشارہ کر رہا تھا؟

میچ ریفری نے حارث رؤف سے پوچھا آپ نے اشارہ بار بار کیوں کیا؟ جس پر فاسٹ بولر کا کہنا تھا کہ یہ صرف شائقین کے لیے تھا ،اس کے علاوہ کچھ نہیں تھا۔