محکمہ موسمیات نے کراچی میں سردی کی شدت میں اضافے کی پیشگوئی کردی

محکمہ موسمیات کے مطابق آج دن بھرموسم خشک اور رات میں سرد رہنے کاامکان ہے تاہم 15 دسمبر سے سردی کی شدت میں اضافہ متوقع ہے۔

محکمہ موسمیات کا بتانا ہے کہ شہر کا آج زیادہ سے زیادہ درجہ حرارت 31 ڈگری سینٹی گریڈ تک جانے کا امکان ہے جب کہ شمال مشرقی ہوائیں 9 کلومیٹر فی گھنٹا کی رفتار سے چل رہی ہیں۔

ہوا میں نمی کا تناسب 93 فیصد ہے ، ہوا میں نمی کا تناسب زیادہ ہونے کے باعث فضا میں ہلکی دھند چھائی ہوئی ہے ۔