رمضان سے قبل ایران سے مغربی ہواؤں کا سلسلہ پاکستان میں داخل ہونے کا امکان ہے ، جس کے باعث یکم رمضان المبارک کو ہلکی بارش متوقع ہے۔
محکمہ موسمیات کے مطابق 15 فروری کو ایران سے مغربی ہواؤں کا ایک سلسلہ بلوچستان میں داخل ہونے کی توقع ہے ، جو کوئٹہ اور اس کے اطراف کے علاقوں میں بارش کا سبب بن سکتا ہے۔
محکمہ موسمیات نے پیشگوئی کی ہے کہ 17 فروری کو داخل ہونے والے نئے مغربی سلسلے کے زیر اثر کراچی میں 18 اور 19 فروری یعنی یکم رمضان المبارک کو ہلکی بارش کا امکان ہے۔
مذکورہ سسٹم کے نتیجے میں دیہی سندھ کے مختلف اضلاع میں بھی گرج چمک کے ساتھ بارش متوقع ہے۔ مارچ میں یکے بعد دیگرے مغربی ہواؤں کے سلسلے داخل ہونے کا امکان ظاہر کیا جا رہا ہے۔
