افغانستان کے صوبہ تخار میں گھات لگا کر کیے گئے حملے میں صوبہ بدخشاں کے پولیس سربراہ مولوی میراج الدین ہلاک ہو گئے۔
اطلاعات کے مطابق مولوی مراج الدین تخار صوبے کی جانب سفر کر رہے تھے کہ راستے میں ان کی گاڑی پر نیشنل ریزسٹنس فرنٹ کے جنگجوؤں نے حملہ کر دیا۔ حملہ آوروں نے پہلے سے گھات لگا رکھی تھی اور جیسے ہی گاڑی قافلے کے ساتھ اس مقام پر پہنچی تو فائرنگ کر دی گئی۔
ذرائع کا کہنا ہے کہ حملے کے نتیجے میں مولوی مراج الدین موقع پر ہی مارے گئے۔
