بس بہت ہو چکا، مزید دباؤ برداشت نہیں کریں گے: ٹرمپ کی دھمکی پر گرین لینڈ کے وزیراعظم کا رد عمل

امریکی صدر ڈونلڈ ٹرمپ کی گرین لینڈ پر قبضے کی دھمکیوں کے بعد گرین لینڈ کے وزیراعظم کا بیان بھی سامنے آگیا۔

امریکی صدر ٹرمپ کے تازہ بیان پر گرین لینڈ کے وزیراعظم نے کہا ہے کہ بس بہت ہو چکا، اب ہم مزید دباؤ برداشت نہیں کریں گے۔

گرین لینڈ کے وزیراعظم جینس نیل سن نے کہا کہ امریکا سے الحاق کے خواب ہمیں مزید گوارا نہیں۔

انہوں نے کہا کہ ان کا ملک مذکرات کے لیے تیار ہے لیکن مذاکرات مناسب چینل کے ذریعے اور احترام کے ساتھ ہونے چاہئیں۔

ادھر فرانس نے بھی گرین لینڈ کے ساتھ اظہار یکجہتی کیا ہے، ترجمان فرانسیسی وزارت خارجہ کا کہنا ہےکہ سرحدیں طاقت سے تبدیل نہیں کی جا سکتیں، گرین لینڈ، گرین لینڈ کے عوام اور ڈنمارک کے عوام کا ہے اور یہ ان پر منحصر ہے کہ وہ اس کے ساتھ کیا کریں۔

یاد رہے کہ امریکی صدر ڈونلڈ ٹرمپ نے گرین لینڈ پر قبضے کی دھمکی دی تھی۔