خیبر پختونخوا اور بلوچستان میں سکیورٹی فورسز کی کارروائیاں ، 34 خارجی دہشتگرد ہلاک

آئی ایس پی آر کے مطابق شمالی وزیرستان کے علاقے میر علی میں 12 خارجی مارے گئے ، اس کے علاوہ شمالی وزیرستان کے علاقے حسن خیل میں بھی کارروائی کے دوران ایک خارجی ہلاک ہو گیا۔ ہلاک ہونے والا خارجی افغان شہری تھا۔

ڈیرہ اسماعیل خان میں سیکیورٹی فورسز کا آپریشن، 4 دہشتگرد ہلاک

لکی مروت میں انٹیلی جنس بنیاد پر آپریشن کے دوران 3 خوارج جبکہ بنوں کے علاقے نرمی خیل میں دو مختلف واقعات میں 10 خوارج مارے گئے۔

دوسری جانب بلوچستان کے ضلع ژوب کے علاقے سمبازہ میں انٹیلی جنس بنیاد پر کارروائی میں 8 خارجیوں کو ہلاک کر دیا گیا، ہلاک خوارج سے اسلحہ اور گولہ بارود بھی برآمد کر لیا گیا۔