گوادر: پانوان جیونی میں مسلح افراد کا کوسٹ گارڈز پر حملہ، دو اہلکار شہید
🔶 سی پیک کے مرکزی شہر گوادر کے علاقے پانوان جیونی میں نامعلوم مسلح افراد نے گھات لگا کر پاکستان کوسٹ گارڈز کے اہلکاروں پر حملہ کر دیا۔ یہ واقعہ افطاری کے وقت پیش آیا جس کے نتیجے میں دو اہلکاروں کے شہید ہونے کی اطلاعات موصول ہوئی ہیں۔
🔶 ذرائع کے مطابق مسلح افراد نے اچانک فائرنگ کر کے اہلکاروں کو نشانہ بنایا اور واقعے کے بعد فرار ہونے میں کامیاب ہو گئے۔ حملے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔
🔶 ابتدائی اطلاعات کے مطابق واقعے میں دو اہلکار شہید ہوئے ہیں، تاہم سرکاری سطح پر مزید تفصیلات تاحال جاری نہیں کی گئی ہیں۔
