پیٹرولیم مصنوعات کی قیمتیں کم نہ ہوئیں تو گڈز ٹرانسپورٹ بند کردیں گے، ڈمپر ایسوسی ایشن

حیدرآباد میں پریس کانفرنس کرتے ہوئے آل ٹرک ڈمپر ایسوسی ایشن کے صدر نے کہا کہ پیٹرول اور ڈیزل کی قیمت بڑھنے سے گڈز ٹرانسپورٹرز شدید متاثر ہیں۔

انہوں نے کہا کہ سندھ حکومت کی ٹرانسپورٹرز کو سبسڈی کی باتیں فضول ہیں، اگر پیٹرولیم مصنوعات کی قیمتیں کم نہ ہوئیں تو گڈز ٹرانسپورٹ بند کردیں گے۔

اس سے قبل پٹرول پمپ ڈیلرز ایسوسی ایشن نے بھی مارجن نا بڑھانے پر ایک بار پھر پمپس بند کرنے کی دھمکی دی ہے۔

چیئرمین پٹرول پمپ ڈیلرز ایسوسی ایشن نے اپنے ایک بیان میں کہا کہ پٹرول پمپ ڈیلرز کا مارجن حکومت نے بہت کم رکھا ہے، اگر ڈیلرزکا مارجن نہیں بڑھایاجاتا تو پیٹرول پمپ بند کرنا ہوں گے۔