مشرق وسطیٰ بحران: بھارتی معیشت شدید دباؤ میں آگئی، بڑے پیمانے پر بیروزگاری کا خدشہ

خلیجی خطے میں جاری کشیدگی کے اثرات بھارت کی معیشت پر بھی نمایاں ہونے لگے ہیں جس کا ذکر اقوام متحدہ کی ایک رپورٹ میں بھی کیا گیا ہے۔

یواین ڈیولپمنٹ پروگرام کی تازہ رپورٹ کے مطابق خطے میں ہونے والی کشیدگی بھارت میں مزید 25لاکھ افرادکو غربت سےدوچار کرے گی۔

رپورٹ میں بتایا گیا ہےکہ غربت میں زندگی گزارنے والے بھارتیوں کی تعداد تقریباً 35 کروڑ 40 لاکھ تک پہنچ جائے گی۔

یواین ڈیولپمنٹ پروگرام کی رپورٹ میں مزید کہا گیا ہے کہ اگر یہی صورتحال رہی توخریف کی فصل شدید متاثرہوگی جس کے باعث خوراک کا بحران بھی پیدا ہوگا۔

رپورٹ میں یہ بات بھی سامنے آئی ہے کہ کشیدگی کے باعث بھارت میں کاروبار شدید متاثر ہوگا جس کی وجہ سے تقریباً 90 فیصد ملازمتوں پر خطرات منڈلا رہے ہیں۔