اللہ نے وزیراعظم اور فیلڈ مارشل کی قیادت میں پاکستان کا پرچم پوری دنیا میں بلند کردیا: احسن اقبال

نارووال میں تقریب سے خطاب کرتے ہوئے احسن اقبال کا کہنا تھا کہ ایک سیاسی جماعت کے لیڈر کی تقریر شروع ہی ستیاناس اور بیڑا غرق سے ہوتی تھی، آج اسی پاکستان نے معرکۂ حق میں بھارت کے دانت توڑ کر رکھ دیے۔

وفاقی وزیر کا کہنا تھا اللہ نے وزیراعظم شہباز شریف اور فیلڈ مارشل عاصم منیر کی قیادت میں پاکستان کا پرچم پوری دنیا میں بلند کردیا۔

ن لیگی رہنما کا مزید کہنا تھا کہ نواز شریف نے پوری دنیا کا دباؤ ٹھکرا کر ایٹمی دھماکے کرکے پاکستان کا دفاع ناقابلِ تسخیر بنا دیا۔