قیمتوں میں اضافہ، پیٹرولیم لیوی 107 روپے 38 پیسے فی لیٹر ہوگئی

ذرائع کے مطابق پیٹرول پر لیوی میں 26 روپے 77 پیسے فی لیٹر اضافہ کیا گیا ہے، جس کے بعد پیٹرولیم لیوی کی مجموعی شرح 107 روپے 38 پیسے فی لیٹر ہو گئی ہے۔

اس سے قبل پیٹرول پر لیوی 80 روپے 61 پیسے فی لیٹر تھی۔ ذرائع کا کہنا ہے کہ لیوی میں اضافے کا فیصلہ حکومتی ریونیو بڑھانے اور مالیاتی ضروریات کو پورا کرنے کے لیے کیا گیا ہے۔

خیال رہے کہ وفاقی حکومت نے گزشتہ رو پیٹرول اور ڈیزل کی قیمت میں 26 روپے 77 پیسے فی لیٹر کا اضافہ کیا تھا۔ نوٹیفکیشن کے مطابق پیٹرول کی نئی قیمت 393 روپے 35 پیسے فی لیٹر جبکہ ڈیزل کی نئی قیمت 380 روپے 19پیسے فی لیٹر مقرر کی گئی ہے۔