کراچی کے نیشنل بینک اسٹیڈیم میں کھیلے جارہے میچ میں راولپنڈیز نے ٹاس جیت کر پہلے فیلڈنگ کا فیصلہ کیا۔
حیدر آباد کنگز مین نے پہلےکھیلتے ہوئے مقررہ 20 اوورز میں 6 وکٹ پر 244 رنز بنائے۔
حیدرآباد کی جانب سے گلین میکسویل نے جارحانہ بیٹنگ کرتے ہوئے 37 گیندوں پر 70 رنز بنائے۔
ان کے علاوہ عثمان خان 54 اور کوشال پریرا 50 رنز بنا کر نمایاں رہے۔
خیال رہے کہ پی ایس ایل میں پلے آف کے لیے تین ٹیموں کا فیصلہ ہوچکا ہے جب کہ چوتھی پوزیشن کے لیے لاہور قلندرز اور حیدرآباد کنگزمین کے درمیان سخت مقابلہ ہے۔لاہور قلندرز کی 10 پوائنٹس کے ساتھ چوتھی پوزیشن ہے، حیدرآباد کنگز مین کے 9 میچوں میں 8 پوائنٹس ہیں ، اگر حیدرآباد کنگز مین نے راولپنڈیز کو 158 رنز سے کم پر روک لیا تو وہ پلے آف میں پہنچ جائے گی بصورت دیگر لاہور قلندرز پلے آف کھیلےگی۔
