انٹرنیشنل
افغانستان میں سرگرم دہشتگرد تنظیم داعش خراسان یورپ کیلئے سنگین خطرہ قرار
یورپی یونین کی ایک رپورٹ میں افغانستان میں سرگرم دہشتگرد تنظیم داعش خراسان کو یورپ کے لیے خطرہ قرار دیاگیا ہے۔
یورپی یونین کی 23 صفحات پر مشتمل خفیہ خطراتی جائزہ رپورٹ میں کہا گیا ہے کہ دہشتگردی، پرتشدد انتہاپسندی یورپی یونین کے لیے سنگین خطرہ ہیں اور یورپی یونین میں خطرے کی سطح اب بھی بلند ہے۔
رپورٹ کے مطابق افغانستان میں سرگرم دہشتگرد تنظیم داعش خراسان یورپ کے لیے اہم بیرونی خطرات میں شامل ہے۔
رپورٹ میں کہاگیا ہےکہ داعش خراسان خصوصاً آن لائن پروپیگنڈا پھیلانے میں سرگرم ہے، اس کا خاص ہدف نوجوان ہیں۔
