اس بچے کی حقیقی عمر آپ کو دنگ کر دے گی

درحقیقت متعدد افراد کا اندازہ درست نہیں ہوتا اور جب وہ حقیقی عمر جانتے ہیں تو دنگ رہ جاتے ہیں۔

ہو شیانگ نامی یہ فرد درحقیقت بچہ نہیں بلکہ 40 سال کا ایک چینی اداکار ہے۔

جی ہاں واقعی 40 سالہ اداکارہ ہو شیانگ کی اپنی اہلیہ کے ساتھ تصاویر چینی سوشل میڈیا میں وائرل ہوئی ہیں۔

کچھ سوشل میڈیا صارفین کی جانب سے اس پر تنقید بھی کی گئی مگر ہو شیانگ نے اس کی پرواہ نہیں کی، کیونکہ وہ زندگی بھر اس کا سامنا کرچکے ہیں۔

چینی میڈیا کے مطابق ہو شیانگ کی پیدائش قبل از وقت اس وقت ہوئی جب حمل کے دوران ان کی ماں کو کم خوراکی کا سامنا ہوا۔

وہ ہمیشہ سے دیگر بچوں کے مقابلے میں چھوٹے نظر آتے تھے مگر 9 سال کی عمر کے بعد جسمانی نشوونما تھم گئی اور جب سے وہ ایک بچے جیسے ہی نظر آتے ہیں۔

جب وہ جوان ہوگئے تو لوگ ہمیشہ انہیں دیکھ کر الجھن کا شکار ہو جاتے اور پوچھتے کہ وہ کس جماعت میں پڑھ رہے ہیں؟

مگر وہ ہمیشہ سے اپنے خاندان کا سہارا بننا چاہتے تھے اور اداکار بننا چاہتے تھے۔

2005 میں انہیں بریک تھرو کردار ملا اور ایک مقبول ڈرامے میں اسکول کے طالبعلم کا کردار ادا کیا، جب ان کی عمر 19 سال تھی۔

گزرے برسوں کے دوران انہوں نے متعدد چینی ڈراموں میں کام کیا اور اکثر وہ بچے کے طور پر ہی نظر آئے جبکہ ان کی اداکاری کو بھی سراہا گیا۔

40 سالہ اداکار تسلیم کرتے ہیں کہ بچوں جیسی آواز اور 9 سال کا نظر آنے کے باعث ان کے پاس اداکاری کے مواقع محدود ہوتے ہیں۔

انہوں نے بتایا کہ ‘میرے لیے وہ کردار ملنا مشکل ہوتے ہیں جو میں کرنا چاہتا ہوں، مگر اپنی حد کے اندر رہتے ہوئے ہر کردار بہترین انداز سے کرنا چاہتا ہوں’۔

وہ اپنی بیوی کے ساتھ خاموشی سے اچھی زندگی گزار رہے ہیں اور اپنے خاندان اور اداکاری کو ترجیح دیتے ہیں۔