پی ٹی اے(PTA) نے ریگولیٹری ضوابط پر سختی سے عملدرآمد اور غیر قانونی سموں کے اجرا کی روک تھام کے لئے اپنی جاری کوششوں کے تحت تمام موبائل فون آپریٹروں کو ملک بھر میں رات 12 بجے سے صبح 6 بجے تک سموں کی فروخت معطل کرنے کی ہدایت جاری کر دی ۔
پی ٹی اے سے جاری بیان کے مطابق ان ہدایات کے تحت تمام مجاز سم فروخت مراکز، خصوصاً فرنچائزز اور ریٹیلرز مقررہ اوقات کی پابندی کے پابند ہوں گے۔
ہدایات کی خلاف ورزی کی صورت میں متعلقہ ٹیلی کام قوانین اور ضوابط کے تحت سخت قانونی کارروائی عمل میں لائی جائے گی۔
عوام کو بھی ہدایت کی گئی ہے کہ وہ صرف مجاز سیلز آؤٹ لیٹس سے مقررہ اوقات کے دوران سم خریدیں اور سم کی فعالیت سے قبل بائیومیٹرک تصدیق کے عمل کو یقینی بنائیں۔
علاوہ ازیں شہری ان ہدایات کی خلاف ورزی کی اطلاع پی ٹی اے کے کمپلینٹ مینجمنٹ سسٹم ، پی ٹی اے سی ایم ایس ایپ، پی ٹی اے ڈیجیٹل اسسٹنٹ (واٹس ایپ: 03150055055) یا ٹول فری نمبر080055055 کے ذریعے دیں۔
جعلی کالز اور ایس ایم ایس سے ہوشیار رہیں ، پی ٹی اے نے شہریوں کو خبردار کر دیا
یہ اقدام صارفین کے تحفظ، سموں کے غیر قانونی استعمال کی مؤثر روک تھام، اور پاکستان میں محفوظ، شفاف اور قابلِ اعتماد ٹیلی کام نظام کے فروغ کے لئے پی ٹی اے کے پختہ عزم کا مظہر ہے۔
