پاکستانی عازمین حج کے مینیو میں کیا شامل اور کھانوں پر کتنے اخراجات آرہے ہیں؟

پاکستانی عازمین حج کے مینیو اورکھانوں پر ہونے والے اخراجات کی تفصیلات سامنے آگئیں۔

سرکاری حج اسکیم کے پاکستانی عازمین حج کے کھانوں پر 1086 کروڑ روپے سے زائد خرچ کیے جا رہے ہیں۔

ذرائع کے مطا بق پاکستانی عازمین حج کے کھانوں پر مجموعی اخراجات 14 کروڑ 48 لاکھ سعودی ریال سے تجاوز کر گئے۔

عازمین حج کو یومیہ 36 سعودی ریال یعنی تقریباً 2700 پاکستانی روپے مالیت کا کھانا فراہم کیا جا رہا ہے۔

رواں برس خطبہ حج مسجد نبوی ﷺکے امام و خطیب شیخ علی الحذیفی دیں گے

سعودی عرب میں پاکستانی عازمین کو روزانہ تین وقت تازہ اور گرم کھانا فراہم کیا جا رہا ہے۔

ناشتے میں پراٹھا، انڈے، چائے، حلوہ اور ٹوسٹ مینیو کا حصہ ہے، دوپہر کے کھانے میں بریانی، قورمہ، دال، چاول اور سلاد شامل ہے۔

واضح رہے کہ رواں برس مسجد نبوی ﷺکے امام و خطیب شیخ ڈاکٹر علی الحذیفی خطبہ حج دیں گے۔

عرب میڈیا کے مطابق ادارہ امور حرمین شریفین نے اعلان کیا ہےکہ مسجد نبوی ﷺ کے امام و خطیب شیخ علی الحذیفی منگل 26 مئی 9 ذی الحج 1447 ہجری کو عرفات کی مسجد نمرہ میں خطبہ حج دیں گے۔