سیکورٹی فورسز کا نصیر آباد میں آپریشن: 5 دہشت گرد ہلاک، اسلحہ کا بڑا ذخیرہ برآمد

سیکورٹی فورسز کا نصیر آباد میں آپریشن: 5 دہشت گرد ہلاک، اسلحہ کا بڑا ذخیرہ برآمد
🔶 *کوئٹہ:* انٹیلی جنس معلومات کی بنیاد پر بلوچستان کے ضلع نصیر آباد میں سیکورٹی فورسز نے ایک کامیاب آپریشن کیا ہے، جس میں 5 دہشت گرد ہلاک ہو گئے۔ آپریشن کے دوران دہشت گردوں کے قبضے سے بڑی تعداد میں اسلحہ اور گولہ بارود بھی برآمد کیا گیا ہے۔
🔶 پاک فوج کے شعبہ تعلقات عامہ (آئی ایس پی آر) کے مطابق، سیکورٹی فورسز کو علاقے میں دہشت گردوں کی موجودگی کی خفیہ اور مصدقہ اطلاع ملی تھی۔ فورسز کے پہنچنے پر دہشت گردوں نے اہلکاروں پر اندھا دھند فائرنگ کر دی، جس کے بعد دونوں طرف سے شدید فائرنگ کا تبادلہ ہوا۔
🔶 ترجمان نے تفصیلات بتاتے ہوئے کہا کہ فورسز نے مؤثر حکمت عملی اور اعلیٰ پیشہ ورانہ مہارت کا مظاہرہ کرتے ہوئے تمام 5 دہشت گردوں کو جہنم واصل کر دیا۔ ہلاک ہونے والے دہشت گرد علاقے میں تخریب کاری کی منصوبہ بندی، امن و امان کی صورتحال کو خراب کرنے اور حساس تنصیبات پر حملوں کی متعدد وارداتوں میں ملوث تھے۔
🔶 کامیاب کارروائی کے بعد سیکورٹی فورسز نے علاقے کو گھیرے میں لے کر سرچ اور کلیئرنس آپریشن شروع کر دیا ہے، جو تاحال جاری ہے۔ حکام کا کہنا ہے کہ آپریشن کا دائرہ کار مزید وسیع کیا جا رہا ہے تاکہ علاقے کو دہشت گردوں سے مکمل پاک کیا جا سکے اور ان کے ممکنہ سہولت کاروں کو قانون کے کٹہرے میں لایا جا سکے۔
🔶 سیکورٹی ذرائع کے مطابق، برآمد ہونے والے جدید اسلحے اور گولہ بارود کو مزید تفتیش کے لیے تحویل میں لے لیا گیا ہے تاکہ اس دہشت گرد نیٹ ورک کے دیگر پسِ پردہ عناصر کا سراغ لگایا جا سکے۔
🔶 اعلیٰ عہدیداروں نے اس عزم کا اعادہ کیا ہے کہ ریاست مخالف عناصر کے خلاف انٹیلی جنس بیسڈ آپریشنز بغیر کسی وقفے کے جاری رہیں گے اور بلوچستان میں پائیدار امن و امان کے قیام کو ہر قیمت پر یقینی بنایا جائے گا۔ See less