ارجنٹینا کے اسٹار فٹبالر لیونل میسی نے فیفا ورلڈکپ میں تاریخ رقم کردی۔
لیونل میسی نے فیفا ورلڈکپ 2026 کے میچ میں آسٹریا کے خلاف ریکارڈ ساز گول کیا اور ورلڈکپ مقابلوں میں سب سے زیادہ گول کرنے والے پلیئر بن گئے۔
لیونل میسی نے فٹبال ورلڈکپ میں 17 واں گول کیا اور جرمنی کے اسٹار فٹبالر میرو سلاو کلوزے (MIROSLAV KLOSE) کا 16 گولز کا ریکارڈ توڑ دیا۔
آسٹریا کے خلاف میچ میں میسی نے ابتدا میں ایک پینلٹی ضائع کر دی تھی جس کی وجہ سے وہ کچھ دیر کے لیے یہ تاریخی ریکارڈ بنانے سے محروم رہے۔ تاہم انہوں نے 39 ویں منٹ میں گول کرکے ارجنٹینا کو 0-1 کی برتری دلائی۔ یہ میچ امریکی شہر ڈیلس میں کھیلا جا رہا تھا۔
میسی کے بعد اب اس فہرست میں میرو سلاوکلوزے 16 گولز کے ساتھ دوسرے نمبر پر آگئے ہیں جب کہ برازیل کے رونالڈو نزارویو 15 گولز کے ساتھ تیسرے نمبر پر ہیں۔
فرانس کے 27 سالہ اسٹار فٹبالر اس فہرست میں 14 گولز کے ساتھ چوتھے نمبر پر براجمان ہیں۔
