مشرقِ وسطیٰ میں ترکیہ اور اسرائیل کے درمیان بڑھتی کشیدگی ایک نئی بڑی علاقائی رقابت کی شکل اختیار کر رہی ہے۔
برطانوی جریدے اکانومسٹ کا کہنا ہے اسرائیل کو شام میں ترکیہ کی بڑھتی موجودگی اور مصر، پاکستان و سعودیہ کیساتھ دفاعی تعلقات پر تشویش ہے اور اب ترکیہ اور اسرائیل کے درمیان کشیدگی میں اضافہ دیکھنے کو مل رہا ہے۔
رپورٹ کے مطابق اسرائیل کا آرمینیائی نسل کشی تسلیم کرنا کشیدگی بڑھانے کا سبب ہے جبکہ اسرائیلی سیاست دان ترکیہ کا نام ایران کیساتھ لیتے ہیں۔
امریکا کی جانب سے ترکیہ کوایف-35 طیاروں کی فروخت کا معاملہ پر صدر ٹرمپ کے ممکنہ فیصلے نے اسرائیل کو مزید پریشان کر دیا ہے۔
اکانومسٹ کے مطابق مشرقِ وسطیٰ میں ترکیہ اور اسرائیل کے درمیان بڑھتی کشیدگی ایک نئی بڑی علاقائی رقابت کی شکل اختیار کر رہی ہے جہاں دونوں ممالک اب ایک دوسرے کو براہِ راست سکیورٹی خطرہ سمجھنے لگے ہیں۔
برطانوی جریدے کے مطابق اسرائیلی سیاست دان ترکیہ کا نام ایران کے ساتھ ایک سانس میں لیتے ہیں۔
