امریکی ریاست کیلیفورنیا کے شہر سانتا کروز کے آسمان پر بادلوں کے خوبصورت اور منفرد منظر نے دیکھنے والوں کو حیرت میں مبتلا کردیا۔
میڈیا رپورٹس کے مطابق شام سورج ڈھلنے کے وقت آسمان پر سمندری لہروں سے مشابہ گہرے سیاہ اور سفید بادل دکھائی دیے، جنہوں نے فضا کو انتہائی دلکش بنا دیا۔
قدرت کے اس حسین منظر کو دیکھنے والے شہریوں نے اس کے مناظر اپنے کیمروں میں محفوظ کر لیے، جبکہ سوشل میڈیا پر بھی بادلوں کی منفرد شکلوں کی تصاویر اور ویڈیوز توجہ کا مرکز بن گئیں۔
