یونان میں جنگلات کی آگ بجھانے والے 2 ہیلی کاپٹر آپس میں ٹکرا گئے، حادثے میں ایک ہیلی کاپٹر میں سوار عملے کے 2 افراد جاں بحق ہوگئے۔
غیر ملکی خبر رساں ادارے کے مطابق یونان کے دارالحکومت ایتھنز کے مغرب میں واقع پساتھا کے جنگلات میں آگ بجھانے کے دوران فائر ڈپارٹمنٹ کے 2 ہیلی کاپٹر آپس میں ٹکرا گئے۔
ٹی وی فوٹیج میں دیکھا گیا کہ ایک ہیلی کاپٹر دوسرے ہیلی کاپٹر کے نچلے حصے سے ٹکرایا، جس کے بعد وہ دھماکے سے پھٹ کر زمین پر گر گیا۔
میڈیا رپورٹس کے مطابق حادثے میں ایک ڈنمارک کا پائلٹ اور یونان کی فائر سروس کا افسر جاں بحق ہوگئے جبکہ دوسرے ہیلی کاپٹر کے عملے کو بحفاظت بچا لیا گیا۔
