روزمرہ زندگی میں جوتے یا چپل کا انتخاب کرتے وقت زیادہ تر لوگ صرف خوبصورتی، فیشن اور آرام کو دیکھتے ہیں، لیکن فٹ ویئر کا اثر ہماری صحت پر بھی پڑتا ہے۔ غلط قسم کی چپل یا جوتا طویل عرصے تک استعمال کیا جائے تو بعض افراد میں پاؤں کے ساتھ ساتھ کمر، کولہوں اور گھٹنوں پر بھی اضافی دباؤ پڑ سکتا ہے۔
ماہرین کے مطابق ہر شخص کے لیے ایک ہی قسم کا فٹ ویئر مناسب نہیں ہوتا۔ پاؤں کی ساخت، فلیٹ فٹ، چلنے کا انداز اور جوتے کے استعمال کا دورانیہ بھی اس بات پر اثر انداز ہوتا ہے کہ کوئی چپل یا جوتا کسی شخص کے لیے کتنا موزوں ہے۔
ماہرین نے روزمرہ استعمال میں پہنی جانے والی پانچ ایسی اقسام کے بارے میں توجہ دلائی ہے جو بعض افراد میں کمر اور گھٹنوں کے درد کی وجہ بن سکتی ہیں۔
ہوائی چپل
ہوائی چپل گھروں میں عام استعمال ہوتی ہے اور خاص طور پر باتھ روم کے لیے اسے زیادہ استعمال کیا جاتا ہے۔ یہ ہلکی اور آسانی سے دستیاب ہوتی ہے، لیکن اس میں پاؤں کو ملنے والی سپورٹ عموماً بہت کم ہوتی ہے۔
ایسی چپل میں پاؤں کے قدرتی خم کو مناسب سہارا نہیں ملتا۔ خاص طور پر فلیٹ فٹ والے افراد کے لیے طویل وقت تک ہوائی چپل پہننا مناسب نہیں سمجھا جاتا۔ پاؤں کو مناسب سپورٹ نہ ملنے کی صورت میں چلنے کے انداز پر اثر پڑ سکتا ہے اور اس کا دباؤ ٹانگوں اور گھٹنوں تک پہنچ سکتا ہے۔ ایسی چپلوں کو صرف باتھ روم میں استعمال کے لیے ہی رکھنا چاہیے۔
