مداح کا پاؤں گاڑی کے نیچے آنے پر سلمان خان اپنے ڈرائیور پر شدید برہم

سلمان خان نے حال ہی میں ممبئی میں ایک تہوار میں شرکت کے لیے مہاراشٹرا کے وزیر آشیش شیلار کی رہائش گاہ پہنچے۔

اداکار کو دیکھ کر ان کی مداح گاڑی کے گردجمع ہو گئے جس کے نتجے میں ایک مداح کا پاؤں گاڑی کے نیچے آگیا۔

اس حوالے سے ایک ویڈیو بھی وائرل ہورہی ہے جس میں سلمان خان کو گاڑی میں بیٹھا اور اپنے ڈرائیور پر غصہ کرتے دیکھا جاسکتا ہے۔

میڈیا رپورٹس کے مطابق سلمان خان کی ایک جھلک دیکھنے کیلئے مداحوں کا ہجوم اس قدر تھا کہ گاڑی گزرنے کیلئے راستہ تنگ ہوگیا تھا جب کہ سکیورٹی اہلکاروں کو بھی ہجوم کو سنبھالنے میں دشواری کا سامنا کرنا پڑا۔