عوام کو پیٹرول ریلیف اسکیم سے محروم کرنے والے پمپس کے خلاف کارروائی کی ہدایت

علی پرویزملک کی زیر صدارت اجلاس ہوا جس میں پیٹرولیم مصنوعات کی بلاتعطل فراہمی اور فیول ریلیف اسکیم پر عملدرآمد کا جائزہ لیا گیا۔

اجلاس میں بریفنگ دی گئی کہ فیول ریلیف اسکیم کے تحت 10 ہزار پیٹرول پمپس میں سے 8500 سے زائد کو ادائیگیاں مکمل کردی گئی ہیں۔

اس موقع پر وزیرپیٹرولیم نے ایندھن کی مسلسل فراہمی یقینی بنانے کے لیے پیشگی انتظامات کی ہدایت کی۔

انہوں نے کہا کہ امن و امان یا سڑکوں کی بندش کی صورت میں ترسیل متاثر نہ ہونے دی جائے جب کہ صارفین کو ریلیف سے محروم کرنے والے پمپس کے خلاف کارروائی کی جائے۔

اجلاس میں شریک ریلوے حکام کا کہنا تھا کہ خیبر پختونخوا میں سپلائی کے لیے خصوصی اقدامات کیے جائیں گے، پی ایس او کو ڈپوؤں پر اضافی ذخیرہ رکھنے کی ہدایت بھی کی گئی ہے۔