کمی لانا آسان نہیں ہوتا مگر ورزش اور اچھی غذائی عادات سے ایسا ممکن ہوسکتا ہے۔
سوال یہ ہے کہ اگر آپ چہل قدمی سے جسمانی وزن میں مستحکم کمی لانا چاہتے ہیں تو روزانہ کتنے قدم چلنا چاہیے؟
اس سوال کا جواب انٹرنیشنل جرنل آف انوائرمنٹل ریسرچ اینڈ پبلک ہیلتھ میں شائع ایک تحقیق میں دیا گیا۔
اس تحقیق میں دہائیوں کے تحقیقی ڈیٹا کا تجزیہ کرکے یہ جاننے کی کوشش کی گئی کہ روزانہ کتنے قدم چل کر جسمانی وزن میں کمی اور میٹابولک صحت کو بہتر بنانے میں مدد مل سکتی ہے۔
اس تحقیق کے لیے 18 کنٹرول کلینیکل ٹرائلز کے ڈیٹا کا تجزیہ کیا گیا جن میں 3758 افراد کو شامل کیا گیا تھا۔
8 ماہ کے عرصے میں ان افراد کے روزانہ کے قدموں کے ساتھ جسمانی وزن میں آنے والی تبدیلیوں کو ٹریک کیا گیا تھا۔
اس کے بعد مزید 10 ماہ تک دیکھا گیا کہ جسمانی وزن میں کمی کب تک برقرار رہتی ہے۔
تحقیق کے آغاز میں یہ افراد اوسطاً روزانہ 7280 قدم چلتے تھے اور اختتام تک یہ تعداد 8454 قدموں تک پہنچ گئی تھی۔
ہائی بلڈ پریشر ہی نہیں بلکہ نمک کے زیادہ استعمال سے صحت کے اس مسئلے کا سامنا بھی ہوسکتا ہے
نتائج سے ثابت ہوا کہ 8 ماہ کے عرصے میں ان افراد کے جسمانی وزن میں اوسطاً 4.4 فیصد کمی آئی۔
اس کے بعد 10 ماہ کے دوران 3.3 فیصد کمی بدستور برقرار رہی۔
تحقیق میں یہ بھی دریافت کیا گیا کہ روزانہ اضافی ایک ہزار قدم چلنے سے جسمانی وزن میں مزید 1.1 سے 1.3 فیصد کمی آتی ہے۔
تحقیق کے مطابق نتائج سے عندیہ ملتا ہے کہ روزانہ 8500 قدم چلنا جسمانی وزن میں کمی کو دیر تک برقرار رکھنے کے لیے مثالی ہوتا ہے۔
ہارٹ اٹیک سے خود کو محفوظ رکھنے کیلئے روزانہ کتنے وقت تک چہل قدمی کرنی چاہیے؟
محققین نے بتایا کہ روزانہ کے قدم نہ صرف جسمانی وزن میں کمی لانے میں مدد فراہم کرتے ہیں بلکہ وقت گزرنے کے ساتھ وزن میں اضافہ نہیں ہونے دیتے۔
انہوں نے مزید بتایا کہ اس سے عندیہ ملتا ہے کہ چل قدمی جسمانی وزن میں کمی لانے کے لیے ایک اچھا ٹول ہے جس کو ورزش اور غذائی عادات کا حصہ بنانا چاہیے۔
انہوں نے کہا کہ قدموں کی تعداد کو گننا ہر فرد کے لیے ممکن نہیں ہوتا تو روزانہ 70 سے 90 منٹ تک معتدل رفتار سے چہل قدمی کرنا بھی کافی ہے۔
میٹھے مشروبات کا استعمال ڈپریشن سے متاثر ہونیکا خطرہ بڑھاتا ہے، تحقیق
مثال کے طور پر دفتر جاتے ہوئے چلنے کو ترجیح دینا، گھر کے سودا سلف کے لیے چلنا اور روزمرہ کی سرگرمیوں کے دوران چل کر آپ آسانی سے یہ ہدف حاصل کرسکتے ہیں۔
محققین کے مطابق ہر چند دن میں چند منٹ یا 250 قدموں کا اضافہ جسمانی وزن میں کمی کے مقصد کے حصول میں زیادہ مدد فراہم کرسکتا ہے۔
