افغانستان پرماسکو فارمیٹ مشاورت کا آٹھواں اجلاس، علاقائی امن وسلامتی اور خطے سے متعلق اہم مسائل پر بات چیت

افغانستان پر ماسکو فارمیٹ مشاورت کا آٹھواں اجلاس روس کے دارالحکومت ماسکو میں ہوا جس میں افغانستان کی صورتحال اور خطے سے متعلق اہم مسائل پر بات چیت ہوئی۔

اجلاس میں پاکستان اور خطے کے مختلف ممالک کے نمائندے شریک ہوئے۔ پاکستانی وفد نمائندہ برائےافغانستان محمد صادق کی زیرقیادت اجلاس میں شریک ہوا۔

روسی وزیر خارجہ سرگئی لاوروف نے افتتاحی اجلاس میں شرکت کی اور شریک وفود سے خطاب کیا۔

اجلاس میں افغانستان کی صورتحال اور خطےکے اہم مسائل پر گفتگو کی گئی۔ اجلاس میں افغانستان کی صورتحال، علاقائی امن وسلامتی، دہشت گردی کےخلاف اقدامات معاشی تعاون، افغانستان سے رابطوں پربات چیت ہوئی۔

اجلاس میں پاکستان نے مشترکہ سکیورٹی اور مسلسل علاقائی بات چیت کی اہمیت اور اقتصادی چیلنجز سے نمٹنےکے لیے پرامن اور مستحکم افغانستان کی اہمیت پر زور دیا۔