اسٹیڈیم کی ہینڈنگ اوور اور ٹیکنگ اوور کی تقریب کا انعقاد نیاز اسٹیڈیم حیدرآباد میں ہوا، کرکٹ لورز اور کرکٹرز کا کہنا ہے کہ اب نا صرف یہاں میچز دیکھنے کا موقع ملے گا بلکہ حیدرآباد سمیت سندھ بھر کا ٹیلنٹ بھی مزید ابھر کر سامنے آئے گا۔
میئر حیدرآباد کاشف شورو کا کہنا تھا کہ گراؤنڈ کو 20 سال کے لیے پی سی بی کے حوالے کیا گیا ہے۔
پی سی بی کے چیف آپریٹنگ آفیسر سمیر سید کا کہنا تھا کہ کوشش کریں گے کہ نیاز اسٹیڈیم میں پہلے پی ایس ایل کے میچ کا انعقاد ہو۔
حیدآباد کے کھلاڑیوں اور شہریوں نے امید ظاہر کی ہے کہ نا صرف اس تاریخی گراؤنڈ میں پی ایس ایل کے میچز کا انعقاد ہوگا بلکہ انٹرنیشنل کرکٹ بھی جلد بحال ہونے کے ساتھ گراؤنڈ اور شہر کی رونقیں بحال ہوں گی۔
