اوپن اسکواش ٹورنامنٹ: نور زمان نے امریکی کھلاڑی برانسٹن منگ کو 3-1 سے شکست دیدی

پی ایس اے گولڈ سلیکون ویلی اوپن اسکواش ٹورنامنٹ امریکی شہر ریڈ ووڈ سٹی میں جاری ہے۔

میچ میں نور زمان اور اشعب عرفان نے اپنے ابتدائی میچز جیت لیے جب کہ نور زمان نے امریکی کھلاڑی برانسٹن منگ کو 3-1 سے شکست دی۔

نور زمان نے پہلا گیم ہارنے کے بعد شاندار واپسی کرتے ہوئے کامیابی حاصل کی، نور زمان کی کامیابی کا اسکور 3-11، 11-5، 11-8 اور 11-9 رہا جب کہ نور زمان نے امریکی حریف کو 41 منٹ میں شکست دی۔

پاکستان کے اشعب عرفان نے ہنگری کے بالاز فارکاس کو3-0 سے ہرایا، اشعب عرفان کی کامیابی کا اسکور 11-6، 11-4 اور 11-5 رہا، انہوں نے ہنگری کے حریف کے خلاف صرف 25 منٹ میں کامیابی حاصل کی۔

نور زمان اور اشعب عرفان سلیکون ویلی اوپن کے اگلے راؤنڈ میں پہنچ گئے، سیلیکون ویلی ایونٹ میں مینز ایونٹ کی مجموعی انعامی رقم ایک لاکھ 43 ہزار 500 ڈالرز ہے۔