کراچی میں پولیس مقابلوں میں تیزی آگئی، چند گھنٹوں میں مختلف علاقوں میں کارروائیوں کے دوران 7 ڈاکو مارے گئے۔
شہر قائد میں بڑھتے جرائم کو روکنے کے لیے پولیس بھی مستعد ہو گئی، شہریوں سے لوٹ مار کی وارداتوں میں ملوث 7 ڈاکوؤں کو کیفر کردار تک پہنچا دیا گیا۔
چند گھنٹوں میں 4 پولیس مقابلے سامنے آئے جس میں بفرزون میں مقابلے کے دوران 2 ڈاکو ہلاک ہوئے جب کہ خواجہ اجمیر میں 2 ڈاکو مقابلے میں مارے گئے۔
کورنگی میں 2 اور شاہ فیصل میں ایک ڈاکو پولیس مقابلے میں ہلاک ہو گیا۔
